二零二四年八月九日(星期五)
今年恆仔生日，我提議可以入愉景灣行下。
不過前往愉景灣的過程唔多順利。首先我們搭機場巴士入東涌，但係我唔知道原來東涌消防局已經是最近東涌地鐵站的巴士站，沒有下車結果下一站已經去到一個荒蕪之地，最後要搭返對頭車仲要付全額車費搭一個站返東涌。
東涌站對出噴水池
去到東涌之後又找不到前往愉景灣的巴士站，結果在巴士總站和東涌站D出口對出的巴士站走了幾趟才搵到正確的搭車位置。最搞笑係我地在東涌折騰之際遇到子健夫婦，他們因為趕巴士所以只是匆匆打個招呼，後來才發現原來他們正是去趕搭入愉景灣的巴士，如果當時跟住佢地就可以節省不少時間。
來到愉景灣已經差不多正午了，又熱又曬。
WEEKDAY的愉景灣好寧靜
因為我地打算溜冰，但係要等下一節開始，所以雖然未係好肚餓都食咗午餐先，我地揀咗好耐無幫襯過的PIZZA EXPRESS，外面太熱，雖然只係叫咗好少食物，但係一人點咗一杯飲品，所以都唔係無幫襯架。
三個人Share一份午餐加甜品，甜品係Pizza Express的Signature Dish – 麵包球配榛子醬
我叫咗杯係加咗番石榴汁的番石榴啤酒，好好味﹗
有一件好AMAZING的事係依一頓午餐埋單三百幾蚊，竟然可以係商場換到兩張總值$92的愉景灣至中環船飛，超抵。
食完午餐仲係未夠鐘，我地係商場入面逛咗一陣，買咗一個艾草發熱暖墊同埋艾草牙膏，幾好用。
夠鐘可以溜冰了，我們還是第一次來DB ICE RINK。
高級組恆仔+中級組逸逸一組
我係BB班所以自己慢慢來，不過都感覺自己進步咗。
今年暑假逸逸去咗學滾軸溜冰，所以溜冰技術進步咗，可以用好放鬆的心情自由走動。
仲間唔中返嚟探下我添
溜完冰有少少肚餓就去食雪糕，食咗野莓和榛子Gelato。
然後就落沙灘玩一陣
一場來到沙灘點都要踩下水
原來依一個暑假係沙灘有充氣城堡活動，不過我地無乜時間，而且入場費都幾貴，玩下沙灘的免費遊樂場算喇~
依個沙灘遊樂場都幾好玩，而且逸逸係度識到朋友仔一齊玩，起初小朋友講英文逸逸有點不安，間中會跑到我那兒叫我教她說英文，後來小朋友跟她講廣東話，她就玩得更加興奮和投入了。
時間差不多要回程，我們兩母女慢慢一邊踩下水一邉返去搵正在享受生日ME TIME的恆仔。
估唔到係度搵到珊瑚
我地今晚預約了尖沙嘴的酒店吃BUFFET，所以由愉景灣先搭船出中環再轉天星小輪去尖沙嘴。
在天星小輪上看到美美的日落。
好多人在香港藝術館對出大草地睇奧運乒乓球比賽
美味的Cafe on M Dinner Buffet
逸逸同恆仔一樣都好鍾意食BUFFET
恆仔生日快樂
香港的夜景真係好靚，我地係時候返屋企喇~