二零二五年四月三日(星期四)
逸逸學校教師發展日放假再加翌日清明節假期，我也請了大假陪她一起放假。本來打算去露營，恆仔話天氣濕濕漉漉不如去御溫泉浸溫泉，於是就造就了今次兩日一夜的御溫泉之旅。
機場巴士時間唔啱，我地搭UBER去港珠澳大橋口岸。好彩我預鬆咗好多時間，因為我地個UBER司機經常行錯路，首先我地等佢架車嚟等咗8分鐘，睇住個MAP兜嚟兜去都未兜到入嚟我地屋苑，上車之後，原本應該過屯赤又轉唔切線上咗屯門公路，結果要去到小欖兜返轉頭，原本25分鐘的車程最後搭咗40分鐘先到。
另外，我地個UBER司機係一位駕駛TESLA的外藉女士，但係佢話想考慮換BYD，點解呢？
上次坐金巴去澳門，今次就搭去珠海口岸。
今日是閒日所以人不多，好快就上到車，10:30AM就去到珠海了。
今次可以直接係港珠澳大橋口岸搭接駁車去御溫泉，開車時間是11:10AM，我們可以先在附近逛逛。
去年得個空殼和得一間餐廳的PORT WORLD，終於多咗好多餐廳進駐，回程要過來吃午餐。
依個3D小飛飛好可愛啊~
可以係港珠澳大橋口岸上車非常好，除了更加方便之外，始終拱北口岸給我的感覺是非常雜亂，可免則免。
上車派發瓶裝水和涼果
我們11:55AM就去到御溫泉了
首先去入場辦理大廳辦CHECK IN手續，我本來訂了最便宜的雲來客棧二人入格，因為所有兒童的相關收費都是現場處理，於是跟職員說想加錢幫逸逸加床，點知職員問我有冇興趣試吓童趣房，幫我免費upgrade。
辧好手續也不趕住走，飲杯汽水食下蛋糕食埋雪糕先去酒店。
還有職員過來和逸逸玩猜拳遊戲送氣球
接駁車的佈置同去年又唔同咗，今次係貓貓。
雲來客棧LOBBY
上次長盛莊酒店的升降機的佈置係PLAYROOM同埋書房，雲來客棧的升降機佈置係皮影戲同埋浴室，一樣充滿驚喜。
又係因為閒日的關係，可以即刻上房。
我們今次入住的童趣房
童趣房的特色就係有小朋友碌架床，下面仲有張床仔俾公仔瞓，依晚就成為KiKi的床舖。
SETTLE DOWN就去搵地方食午餐。
一邊行一邊影下相。
又玩下坐著踢足球
因為今次KLOOK送咗個下午茶，所以午餐唔想食太飽，今次試咗食簡餐晚上可以食火鍋的小食坊。
我同逸逸SHARE粟米餃子
恆仔就食牛腩撈麵
簡簡單單又一餐，而且價錢便宜味道又不錯。
逸逸唔夠高影依個，唯有充當我的攝影師。
牛的食物是水果皮，遊人也可以買飼料餵牛。
來過御溫泉好多次，每次都有送單車券，今次還是第一次用。普通單車可以離開御溫泉園區，家庭車則只可以留在御溫泉入面。家庭車原來只有左邊的軚盤是真的，不過坐右邊的我還是要出力幫手踩。
我們跟著指示走
原來是駛入小湯鎮遊覽
順便睇下今晚食乜嘢，逸逸就睇中咗依個墨西哥薄餅。
我們還是第一次白天遊小湯鎮，原來這兒有一個衙門。
可以擊鼓鳴冤，不過佢成個設計都係攪笑版，所以唔好隨便擊鼓鳴冤，因為：「凡擊鼓鳴冤者先打三十大板」。
可以扮包大人，我淨係戴咗頂官帽，後面服裝間放有官服同埋其他古裝衫可以自己玩角色扮演。
究竟有乜嘢罰則？分別有輕罰、中罰同埋重罰。
逸逸係重罰個度抽到衙門外拉耳垂面壁三十秒，其實仲有好多搞笑的罰則，如果成班年輕人一齊玩應該好有趣。
仲可以試下夾手指酷刑
外面仲有凌遲處死的刑具，解釋俾逸逸聽的時候覺得真係好殘忍。