二零二四年九月二十九日(星期日)
今次參加比賽主要係貪近近地係天水圍舉行，本來妹妹都有報名，點知佢搞錯咗拎選手包時間，最後只有我自己參加。
集合地點是天富站附近的香港女童軍總會天水圍何超瓊活動中心，有個大草地影相幾唔錯。
都有聽到屯門牛師兄話條路都多斜路，但係無諗過原來成條路都係上斜落斜無限Loop。
今日好多屯門牛一齊參賽，起跑前屯門牛大合照。
上線了
7:45am起跑已經烈日當空
好彩平日練跑練山無白費，今日PB了，第一次10K做到6分鐘樓下。不過今次真係跑得好辛苦，又再次一路跑一路問自己咁辛苦為乜。
另外Jeff教練的Run Walk Run好有效，由第4公里開始我差唔多每公里都俾自己行10秒回一回氣，仍然可以PB，又無熱到暈低。
完賽有GEL送即管試下，可能一方面有輕微中暑，一方面我個胃又唔太受得GEL，攪到食完有少少想嘔。
這是一個跑得超級辛苦得來不易的獎牌，也是一個見証住我第一次10K SUB 60的完賽獎牌。
睇Pacing就知我最尾個1K用左幾大的堅持同埋毅力，亦因為咁今日先成功做到1小時內完成。
一睇心跳就知5K之後已經爆左，今日好多人暈低，所以我都無勉強自己，安全至上。
屯門牛完賽合照
官方Net Time都係60分鐘內完賽
PS 原來除左跑山要帶拖鞋完賽後去換之外，跑10K都要。
比賽靚相：
