我們一心直接由會場搭UBER去我們下一個目的地：日光溫泉會館，但是我們所在的后里區馬場路完全CALL唔到UBER；其實我們有已付費的接駁車返回酒店，起碼先回台中市也不錯，點知送車尾，下一班要等一個小時；另外本身活動有免費車送選手去后里車站，就決定不如就去后里車站搭台鐵去台中站再搭UBER吧﹗
於是胡里胡塗的大約搭了5分鐘免費接駁車來到了后里車站
買了去台中站的票，不過最後我們沒有在台中下車，而是在最接近日光溫泉的站下車。
我們要乘搭南下的班次，好似都要等咗差不多半個鐘頭先有車，可能當時留係會場等返酒店的接駁車仲有著數，起碼省下火車錢。不過我們兩個一早起身又跑完個半馬消耗咗咁多體力，坐下等車當休息都無乜所謂。
等車的時候有幾個外國人向我們查詢上車的月台，其實我地都係遊客，只夠膽搭佢我地去台中就係依個月台等車。
我地最後在潭子站落車，然後CALL UBER去日光溫泉會館，路上有點塞車，司機又跟住導航教錯咗佢行一條只有電單車行到的路，結果要折返由另一邊再過去，反正就又坐咗好耐車，不過都係個句，我地兩個太眼瞓，坐係車上面休息下都幾舒服。
日光溫泉會館有住宿也有日歸溫泉的選項，起初我們有考慮過在KLOOK買含餐點的方案，可以選擇自助餐、火鍋或者輕食，但因為不知道時間，最怕是花了時間吃東西沒有足夠時間浸溫泉，所以沒有預約，亦幸好沒有預約，因為我們吃了完賽便當還很飽，根本吃不下東西。
雖然沒有加購餐點，不過休息室也有提供冰水奶茶等免費飲品。
入去更衣室舒舒服服咁沖個涼就可以浸溫泉了。
日光溫泉的湯泉釋放鈉、鎂、鈣、鉀、碳酸離子，淡化肌膚歲月刻痕，湯泉值PH 7.6溫柔呵護，屬於天然的美人湯，宛如沐浴於天造美妝水……浸完唔知係咪真係會靚咗？
日光溫泉會館有兩款溫泉：
第一款是室內日式要脫光光的裸湯，僅開放140cm以上成人使用，可能我們來的時間剛好住宿的客人已經離開，入住的客人還未到，所以非常安靜。
在這兒泡湯一定要戴上透明浴帽，不過我就遇上一件非常尷尬的事，就是我紮頭髮的粉紅色橡筋竟然甩色，透明浴帽入面包著粉紅色的水，後來我索性唔紥頭髮直接戴浴帽，不過亦幸好因為要戴浴帽，我的橡筋沒有污染泉水。
第二款就是戶外SPA大眾泡湯池區，這一區一定要穿泳衣戴泳帽，不過我家只有逸逸也可能唔啱戴的獨角獸泳帽，所以也只好跟溫泉會館買，價錢比我想像中貴。
依度最正就係水療區，用水力按壓酸軟的肌肉真係好爽，雖然今早跑完半馬拉松，但係浸完溫泉之後，翌日完全沒有肌肉酸痛的問題，原來浸溫泉真係最好的RECOVERY。
臨走仲可以用脫水器將泳衣毛巾弄乾才走，不過我地直接放入防水袋就算了。
舒舒服服坐低等UBER返台中市
我們浸溫泉的台中日光溫泉會館外觀
我話今次旅程想食牛肉麵，所以我地直接搭車去依間位於台中車站附近GOOGLE MAP評分有4.6分位於繼光街的德利麵食館。
開餐喇~終於在3:45PM坐下來吃我們的午餐。
這是好味但相對清淡的紅燒牛肉麵，完全唔油膩，是可以常吃的口味。
在台灣吃牛肉麵的精粹係可以選擇多元化的小菜配著吃，鹵豆腐、海帶和甜不辣都好味。
加多碗紫菜餛飩湯
食飽飽就向住宮原眼科進發，途經一福堂老店，我地停低買手信，買完又要整理行李先掂。
去宮原眼科食雪糕係去台中旅行好受歡迎的節目
阿妹上次來台中已經食過，今次再來都極力推介。
好多人排隊
原本飽飽地打算只用紙杯點三球雪糕，點知為應援中華棒球隊在今日的2024年世界12強棒球錦標賽，買兩球雪糕Sundae送一球雪糕……
於是我地就變左點雪糕Sundae了
雪糕櫃入面的雪糕好似水彩調色盆咁，不同層次由白色、黃色、泥黃色、淺啡色、啡色、深啡色……真係花多眼亂。
三球雪糕分別是梨山蘋果牛奶、玫瑰白酒乳酪以及月矇矓鳥矇矓（烏龍桂花），再加埋一小球送的奇異果，全部都好好味。新地可以揀兩款配料，我地揀左紅豆酥同埋巧克力雪球，加埋必備的蝴蝶酥餅乾和圓形小餅乾，全部都好味。
我地行咗去綠川畔
坐低慢慢食，我仲係隔離買咗杯咖啡。
食完雪糕執好行李其實已經CALL咗UBER去機場，見架車要等10分鐘，立即去宮原眼科手信店買咗盒剛才吃過的巧克力雪球做手信。
因為行李太重人又累，再沒有什麼行動力，所以早一點來到臺中國際機場。因為行李迅速增長，又沒有大袋，今日總共執咗4次行李，先勉強將兩人的物品PACK入一個行李拎去寄倉。CHECK IN時現場加購寄倉行李，價錢比預購貴好多，不過都無辦法，下次訂機票時真係要諗清諗楚。
台中的HK EXPRESS地勤人員好嚴格，小斜揹袋都一定要放入背囊，明明我係香港上機時都係就咁分開揹。不過我都有小招數對應佢既嚴謹，好彩恆仔借咗個圈圈俾我，我將鞋袋掛埋係背囊成為背囊的一份子，咁樣航空公司又接受到喎。
我用這個為恆仔和逸逸送上聖誕祝福
係圖書角睇下書
這本書令有個3年級小孩的媽媽好有共鳴
唔知係唔係因為現場先加錢買寄倉行李，地勤送咗個緊急出口位俾我地，唔駛頂腳之餘，行李仲可以放上行李架添~
返到香港了，下年不如來個初全馬之旅？