二零二五年八月八日(星期五)
今年恆仔生日，我地去長洲玩三日兩夜。
今次沒有特別安排行程，心目中是要去食陳通記沙嗲牛通、彌補逸逸小時候的遺憾去探一探張保仔洞以及去沙灘游下水，所以今天睡飽飽再係屋企附近食埋早餐先至出發去中環搭船。
見到好有特色的中環渠蓋
今次我無乜計劃，但係逸逸反而有啲野心，因為佢睇咗小朋友YOUTUBER提子哥哥去長洲的片，見到提子哥哥食過玩過的都有興趣試，第一樣要FOLLOW的就係自己去搵搭船去長洲的碼頭。
好好彩一去到碼頭就有船，亦因為咁無得坐埋一齊，不過逸逸已經大個女，而且仲有KIKI陪，自己坐都無問題喇~
今年參加了Run2gather舉辦的Run2gather × DinDong 港景100活動，於5月至12月前往香港100個特色景點打咭，而長洲就是其中一個打咭景點。
長洲愛情鎖牆
四年前來長洲我們住了華威酒店的海景露台房，享受了超正的無敵海景，本來今年是想再接再勵的。不過逸逸已經大個女，再住雙人房就太擠迫，華威的三人房沒有海景那就沒意思。
所以今次選了網絡上人氣也很盛的長洲荔枝酒店，要先在大街的店CHECK IN，再依指示沿警署徑轉上去再行到去盡頭。
就是這家小巧的長洲荔枝酒店
我們住在地下，這層也有出入口，不過因為長洲的小巷太複雜，我們通常只會在這邊的出口外出，但回來還是經警署徑比較易認路。
我們住L08號房
今次我們入住四人房，其實也有三人房的選擇，不過價格相差不多，三人房的加床是梳化牀，四人房則是上下格碌架床，逸逸一定比較喜歡碌架床。
SETTLE DOWN後就行返出碼頭
七月開始我們一家在玩POKEMON GO，來到長洲也不忘打下道館，第一次一家三口一齊打道館，所以要記錄一下。不過也要順道記錄低傻瓜事，就我們當時還沒有留意到原來大家按顏色分了組，硬是不明白為什麼打嬴後為什麼我和恆仔可以進駐逸逸就不能，逸逸可以進駐的道館我和恆仔又不能，其實我們是在長洲之旅完結後才解開這個迷團。
幸好回想返當日選隊的時候我原本是選和逸逸一樣的藍色，是逸逸不要跟我一樣我才選了紅色，結果就變成與恆仔同隊，所以她也無奈接受我和爸爸與她不是同隊的事實。
今日午餐的目標是海傍街熟食中心陳通記的沙嗲牛肉。
四年前已經想來吃，但當時因為疫情有限聚令好難搵位唯有放棄，今日再來就輕鬆搵位。天氣好熱又無冷氣，好彩有個風扇吹住好少少。
陳通記的沙嗲牛肉米通，唔係典型沙嗲牛的味，但係好好食，同元朗永順沙嗲牛相比，陳通記的沙嗲牛更合我口味。恆仔食沙嗲牛麵，逸逸就食餐蛋米通，大家都吃得滿意。
經濟唔好，夾公仔機除了入侵租唔出的商場之外，也大量入侵長洲的地舖。
POKEMON公仔特別吸引我們一家注目。
喺夾之前恆仔好有型咁問逸逸：你想要邊一隻？
恆仔夾公仔的技術唔錯係事實，但係其實更加係得到命運之神的眷顧，我們竟然遇上補夾，所以雖然太陽伊貝唔係身處最容易夾的位置，但都能夠達成使命，兩次就夾到逸逸想要的太陽伊貝。
逸逸睇完提子哥哥YouTube 話要食冰凍水果冰
我就飲咗芒果沙冰，好正﹗
一路行返酒店一路捉POKEMON，又或者打道館或者極巨化能量點，好忙呀﹗