二零二五年八月十八日(星期一)
對上一次九個人‧去旅行已經是2018年的首爾加平之旅，所以係疫情後第一次一家九口一齊飛。今次整個旅程都是由妹妹策劃，我除了因為我們家較遲後JOIN自己買機票之外，酒店、行程、交通都聽從妹妹的安排。
今日我們坐黃昏的飛機，早上趁放假兩父女陪我去了兩個HK100 SPOTS的打咭點，趕回家執埋少少行李就要出發了。
依家屋企附近有A車去機場，唔太趕時間都可以坐巴士。
今次我地坐越南航空
未夠鐘上機，爸爸媽媽想食少少下午茶，小朋友就想去遊樂場玩。無諗過入去遊樂場嗰邊個Zone都要Show Passport同Scan登機証，原來因為我地啱啱遇上機場做演習。
一部份人去麥當勞食下午茶
我就帶小朋友去「奇妙巨蛋」玩
出發旅行必備打咭相
候機室旁邊有個飛越香港的體感遊戲，不過唔係太SENSITIVE。
上機喇~
充滿越南風情的安全影片
幫逸逸點了兒童餐，點Special Meal的好處係先Serve，小朋友可以慢慢食唔駛趕。今日的餐單係麥樂雞，啱晒逸逸口味，水果入面有木瓜，不喜歡木瓜味道的逸逸都好有義氣咁食埋，去旅行真係唔同啲！
我們的飛機餐是雞+麵和魚+飯的選擇，飛機餐吃魚好危險，翻熱雪藏魚好容易好腥，所以我揀咗雞。不過飛機餐揀麵其實都有風險，好容易好硬，今日個麵都麻麻地，好彩杯紅酒唔錯，再飲埋杯咖啡，都算還可以。
我地來到越南胡志明市喇~
我地落機之後要搭接駁車去大樓
入境條隊都長，不過尚算順利，我地係機場兌換埋越南盾，妹妹換的是大伙兒的使費，我就只是換了一點自己買下嘢，不過都已經是厚厚一叠了。
妹妹一早BOOK好車接我們去酒店，晚上到埗不用再張羅交通方便好多。
今晚我們入住AU LAC LEGEND HOTEL，這是一家裝修佈置都好有情調的酒店。我覺得依間酒店係成個Trip最靚的酒店，可惜我們只是Sleep and Go!
本來妹妹幫我們訂雙人房加床，職員建議我們加錢改住三人房，反正加床也是要額外加錢，我們就聽從他們的建議，始終正式的床舖會更加舒服。
由機場搭車過來的時候已和妹妹研究酒店附近最近的便利店位置，雖然SETTLE DOWN時已經10:30PM，但係第一日點可以無行程？所以我地放好行李之後，就相約爸爸媽媽一起去便利店食宵夜。
途經一個美食廣場，門外竟然遇上忍者龜。
我們光顧的是南韓便利店品牌GS25，跟韓國的便利店一樣外面也有座椅。越南的便利店都收信用卡，所以拎住個電話就可以用Apple Pay俾錢。
飛機餐份量細，大家都肚餓，逸逸食蟹柳飯糰，恆仔食三文治，我就食綠茶卷蛋，另外再買咗盒碌柚。
越南的碌柚真係又平又好食，成盒已經除晒皮，可以直接放入口，仲要清甜多汁，係越南最好食的水果之一，連逸逸都話以前唔鐘意食依家鐘意食
其實我們和阿妹一家是前後腳過來的，結果不約而同的買了碌柚，後來阿Day再入去Encore多盒，就知道碌柚有幾好食。