二零二五年八月十六日(星期六)
去年參加公司的MCU 45週年港島環島行時主辦單位已經話計劃攪類似三項鐵人的活動，果然今年MCU就推出了樂齡三項，第一擊係龍舟體驗。
活動地點是沙田體育會水上活動中心，我們在石門站集合後再行過來。
主辧單位一早已經分好組，一隻係親子龍舟，我個隻就全部都係大人，大家分組企好就一齊做熱身。
首先在岸上先學會扒龍舟的基本動作：入拉抽回
拎齊架撐就預備上龍舟了
小碼頭
大合照
講解一下航道規則
我地隻艇有好多勁人，坐後面個班本身都是龍舟隊的。所以當分組扒的時候，輪到最後幾行的隊員負責扒的時候架船去得特別快。亦因為多勁人，所以大家都扒得幾齊又幾快，我依啲初哥無端端都可以好有成功感﹗
我坐第二行右邊，就主要跟住第一行左邊隊員的節拍，每個人都這樣做就全條船落掌的拍子就可以好齊整。
可以係YOUTUBE感受下現場的氣氛
我地仲玩咗模擬比賽距離不停爬1K，真係好累到爆炸，平日長跑鍛練返嚟的毅力今次完全用得著。
第一次爬龍舟雖然都好辛苦，但真係好好玩，多謝晒MCU的安排﹗