二零二五年一月十一日(星期六)
今日代表公司參加環島行10K，約好了組員在THE SOUTHSIDE集合，再由同事駕車送我們過來起步點 — 香港仔郊野公園傷健樂園。
阿妹一家都有參加10K活動，早我哋半個鐘出發，在起點影張相打個咭。
我的組員VINCENT、SYBIL同埋PATRICK，佢地全部都係勁人，而且去年公司拎了物業管理盃的季軍，所以我好有壓力。
高層都有嚟起點支持同我地打氣
我地依一ROUND全部都係企業組，我們太遲上線，只能排在後面。
預備出發
因為環島行是一個同時有競賽性質的慈善籌款活動，有些公司派代表出席是慢慢行只求完成，有些公司好像我們就希望可以得獎，所以我們起步之後就一直要穿越人群。我們起步遲，首先就要超越企業組的郊遊人士，之後就開始超越早我們半小時起步公眾組別的慢腳。
這是妹妹捕捉到我們正在超車的身影
我地最終以1:07:58完賽，穿過終點之後我就突然腳軟再眼前一黑噼拍跌低咗，被帶入救護站。
剛入到去救護站的時候體溫達39度，心跳同血壓都唔理想，救護員直情開張擔架床要我瞓低，又問我要唔要去醫院。經過休息、深呼吸、冰敷、飲水同埋右小腿嚴重抽筋，數據慢慢好轉，我先開始坐返低。今日恆仔帶逸逸去參加HOCKEY比賽，我打咗電話俾今日同樣參加環島行的妹妹，請她到終點後去救護站接我。
救護員表示我應該係中暑，今日天氣咁凍都中暑？回顧返自己點解會出事：
今日天氣凍，無熱夠身就起跑，應該初段就爆咗，攪到全程都跑得好辛苦。個袋同水樽唔聽話，水樽最後要放入背囊入面，結果全程只係水站飲咗一杯水同一杯寶礦力。尾段大斜坡衝落嚟要停一停過馬路，唔知係咪之前衝得太快個度又停得太急回唔切，結果衝線後個人一放鬆就頂唔順……
我哋成功衛冕物業管理盃第三名，頭兩名都係全男班陣容，所以可以話我地係Mixed第一名。
外面開始頒獎，我直言同救護員講我想上台攞獎，最多之後再返嚟休息，幾經討價還價之後先獲得批准。
跑得咁辛苦，好彩最後在同事參扶下都有得上台。
攞完獎之後繼續返去救護站坐，妹妹一家到終點後接力留係度睇住我，最後坐咗一個半鐘先獲批准離開。
這是我第一次山賽攞獎，亦可能是我唯一的一次，因為我唔再打算在比賽上拼命或追求速度上的達標。今次事件之後雖然無令我放棄跑步或者玩山，但改變咗我的訓練方向。我會繼續鍛練，但唔再強求速度上的進步，我去跑步或跑山的目的是讓雙腳帶領我去看世界，平日鍛練帶給我的是比賽時可以從容地應付，最緊要係長跑長有。