二零二五年十二月五日(星期五)
我們的初馬之旅要出發了﹗
今天搭黃昏機，妹妹下班後在公司直接出發，所以我也只請半天假，約好時間跟她在不同站頭搭乘同一班機場巴士一起前往機場。
依家CHECK IN到過關都是全自動，首先用自助機CHECK IN印登機証和寄倉行李牌，自己貼好行李牌自己寄行李。以往進入禁區要SCAN護照，現在行埋去用人臉識別就可以通過，離境也是不用身份証，做完兩次人臉識別就進入候機大堂。唯一還是沿用人手的作業就是檢查行李，但現在也不用再將iPAD和手提電動從袋中拿出來了。
好可愛的港式點心公仔，好想買，我要先冷靜一下，等月中去聖誕TRIP時先決定係咪要買。
今次妹妹又兌換了PLAZA PREMIUM LOUNGE的免費COUPON可以吃LATE LUNCH，一開始我們去了兌換電郵提供位於GATE 1附近的LOUNGE，雖然無上次多人得咁誇張，不過都是FULL HOUSE要等，職員提議我們去機場的其他PLAZA PREMIUM LOUNGE，我們在GATE 63登機，所以去了近GATE 60的LOUNGE，果然人流比較少，可以直接入場。
食物選擇都幾多，而且唔會好似GATE 1個LOUNGE咁人迫人。
個景觀又正，可以舒舒服服咁睇住飛機食LUNCH~
除了BUFFET枱自取湯、沙律、飲品、主食和水果之外，仲有即煮魚蛋粉，而且不論湯底、魚蛋同河粉都好好食，不過魚蛋太多，同河粉的比例有點欠平衡。另外，LOUNGE入面的酒精飲品也是FREE FLOW，我飲咗一杯MULLED WINE，香料味好強，第一啖入口有點被嚇到，不過飲落去都OK，而且飲到成身暖烘烘出晒汗。
機場出發打咭相
等待登機的時候有人過來邀請我們做問卷，問題是投票最喜歡的機場以及原因，我當然要支持香港國際機場喇~原因是指示清晰。
今次坐國泰，本來打算重溫《香港四徑大步走》這套紀錄片，點知發現了《國泰航空獨家專訪：Robin Lee》，反正唔夠時間睇晒成套電影，可以睇訪問仲正。
只要一小時的機程，還要吃飛機餐真的很忙。剛剛在LOUNCH吃得很飽，還來一客雞扒飯，結果飽上加飽，又話依餐係SNACK既？
睇完專訪睇下《精裝追女仔》懷舊一下，竟然內容仲係記憶猶新……
好美的夕陽
大約6:15PM來到高雄小港機場
機場STARBUCKS的杯好有特色
係機場換埋台幣，我們就搭捷運去酒店。今次妹妹BOOK的酒店是在高雄車站附近的頭等艙飯店，位置就在今年復活節假去高雄時住過的康橋商旅 – 高雄站前館隔離街，所以我完全可以帶路。
落車之後要經過高雄車站的動漫街，因為我同阿妹最近都有玩返POKEMON GO，同各式POKEMON相熟咗好多，依度竟然有一ZONE全部都係POKEMON，拎住行李都要入去逛下。
剛剛屯門市中心都有BOOTH賣POKEMON公仔，當時已經覺得個度比玩具反斗城多款式，今日來到高雄，就覺得簡直大開眼界：例如有伊貝唔出奇，但所以進化形態有齊就好壯觀了。
竟然連大蔥鴨都有﹗
這兒的POKEMON公仔款式實在太多，看得我眼花撩亂，而且價錢比香港便宜得多，我即時影咗各式各樣的POKEMON公仔俾逸逸揀，做她的手信。最後我買了一隻巴大蝶，妹妹就買了一PAIR果然翁。
順利帶妹妹在正確的出口離開高雄車站
對面藍色的就是我們今晚要入住的頭等艙飯店了
睇下隻巴大蝶幾巨型，好彩我大咗個大喼嚟，佢已經佔用了我1/4個行李箱的位置。
酒店設計時尚
房間小巧，不過張床都幾舒服，SETTLE DOWN之後我地又再出發了。