今晚在嬉野原湯溫泉旅館吃佐賀牛晚餐。
水蛇春咁長的菜單
我們加點了飲品，分別是恆仔的可樂、逸逸的佐賀橙汁，以及我的嬉野玄米茶燒酎。
兒童餐的份量是不合理的大，主食有薯條、意粉同飯，目標好明顯，就係偏食的小朋友總有食物啱食。
睇下逸逸幾開心~
成人的餐盤就暫時只放上幾樣前菜
餐前酒(食前酒)是嬉野茶酒，開胃菜(箸附)是涼拌鮑魚、豆類和花瓣，輕食(凌ぎ)是鰻魚押壽司以及酸酸的金糸瓜配蒟蒻麵，以及下酒菜(酒肴)山椒煮章魚。
一邊食職員就一邊陸續上菜。
魚生拼盤(造里)有伊佐木魚、鮪、鰤魚、赤貝以及池魚，好鮮甜~
同前菜相比，主菜(台物)佐賀牛鐵板燒感覺比較一般，可能因為豪斯登堡日航酒店的檸檬牛扒實在太出色了，食到依度其實已經開始有飽意。
這個合餚是醋拌蓴菜櫻花蝦，酸酸地又可以清下味蕾。
燒物是焗芝士粟米，無諗過係超級正﹗
冷鉢是鱧魚啫哩凍，材料好多，口感好豐富。
最後就係嬉野茶煮的飯(御飯)配超級美味的茶葉佃煮，另外還有豆腐味噌湯(留椀)，以及三款配飯的漬物(香の物)。
明明食到佐賀牛鐵板燒已經飽，但係最後竟然可以全部食光光，我的食力實在太強大了﹗
上甜品了，小朋友的是士多啤梨奶凍。
大人的就是赤紫蘇啫喱(生菓子)
食飽飽嘆返杯嬉野茶真係好舒服。
雖然今次唔係第一次住溫泉酒店一泊二食，但真係未試過食咁豐富的晚餐，而且食物真係樣樣都咁好食。印象最深刻的是茶酒、焗芝士粟米以及茶葉佃煮，超級正！
食完飯休息一陣我地兩母女就去浸溫泉。
洗澡及室內浸溫泉的地方(圖片取自官網)
這算是室外，只是用竹簾遮住，但因為有生風吹入來，空氣就涼快得多。(圖片取自官網)
而且我們來的這晚因為遇上颱風，外面橫風橫雨，吹起晒啲竹簾好誇張，好彩我地兩個人一齊浸溫泉，如果自己一個人在這兒獨處都會有啲驚。
可能因為天氣關係，旅館的客人好少，除了吃飯時之外，周圍都沒有遇上其他人。
明明剛才食得咁飽，浸完溫泉都係忍唔住買雪條食。
颱風10號越吹越正，向我們所在的九州北部正面吹襲。
明天晚上後天清晨將會最接近佐賀縣，上網知道我們明天原訂去的嬉野元祖忍者村肥前夢街道已確定因為颱風關係不營業，可以睡晚一點不用趕時間。
飲返啲酒精就好好休息了