二零二六年一月三日(星期六)
我們又去珠海御溫泉了﹗
自從2024年4月再訪御溫泉，發現御溫泉KEEP得好好，食同玩都好正，於是就經常同家人推介。爸爸媽媽就在2025年8月慶祝結婚週年旅行就聽我地推介去咗玩，返嚟之後當然亦大讚。於是今年1月我們終於一家九口一齊去御溫泉玩，慶祝爸爸的生日。
今日出發坐UBER令我非常生氣，首先本身CALL車時是等4分鐘，睇住個MAP已經兜到附近唔知點解又兜錯咗上公路出返市中心，結果再兜返來就等了十幾分鐘先到。一上車知道我們去港珠澳大橋口岸就好多嘢講，不停話個度無落客站會抄牌，我已經同佢講我地之前都坐過UBER有地方落車的，講埋佢知上網睇過運輸署網站都有提及設有一般車輛落客區司機都唔信，堅持咦咦哦哦。仲有，依個司機係既唔識睇GOOGLE MAP亦唔識得睇路牌，KEEP住行錯路，明明好清晰都可以揀錯行車線，最後我決定做佢既導航，每逢分叉路就要話佢知行邊條線，我地總算到達目的地。
以往每次搭UBER我都俾5星好評，感覺麻麻地最多都係唔評分，今次係我第一次俾1星負評，因為真係嬲到震﹗
本來提早出發，結果遲到兩分鐘，9:32AM先到大家約好的港珠澳大橋香港口岸。
幸好過關同坐金巴都好順利，10:45AM到達珠海。
我地搭11:10AM的御溫泉接駁巴士，今次巴士站又改咗位。
11:50AM到達御溫泉，今日入住酒店的人不多，CHECK IN手續好快就辦妥了。
入場辦理大廳的小食和飲品會依天氣而變化，冬天原來有薑茶飲，正﹗
小朋友就睇小倉鼠睇到唔捨得走
接駁車的佈置又唔同咗，今次係聖誕主題的雪人呀﹗
我們在今晚入住的雲來客棧寄存好行李之後就去御食坊吃午餐。
餐廳提醒我們要少玩手機多聊天
中菜廳的食物繼續價格相宜又美味
食飽飯周圍行下影下相
一家九口大合照
小朋友見到草地就忍唔住瞓低，帶頭的一定係最鍾意瞓草地的逸逸。
超搞笑的合照
影完相我地去排隊踩單車遊小湯鎮。
排隊期間我地去睇下啲牛，上次見到牠們只是吃水果皮，今次就有青瓜食，好似伙食好咗咁喎。
九個人踩三架家庭車，我們楊氏一家三口坐一架。
爸爸、媽媽和曉曉坐一架
阿妹DAY同詩詩一家
我地入去小湯鎮，可以到有趣的景點影相，又可以睇定今晚有咩想食。
依個賭檔夜晚好熱鬧，行都行唔到埋去。
我們來到小湯鎮最有趣的景點：衙門
扮犯人
凡擊鼓鳴冤者先打三十大板，好狠﹗
我地之前來都只係就咁影相，比我更貪玩的妹妹就唔會錯過著埋戲服扮鬼扮馬，首先由曉曉扮包大人，逸逸扮犯人趴晒地幾投入。
公公扮包大人更加似模似樣，不過班民女就係度喪笑破壞咗氣氛，哈哈~
影返張正經合照先
逸逸雙腳勉強夠長踩單車，於是我落車俾佢踩下，
係行返出去的路上突然見到滿臉鮮血的爸爸，以及旁邊正在照顧他的DAY，但旁邊卻沒有單車，原來他也和我一樣下了車，讓曉曉和媽媽踩單車，但又擔心她們，結果急步行追上去時跌倒，這個時候媽媽和曉曉還不知道爸爸受傷的事。
幸好手腳沒有受傷，我們立即陪同爸爸行返出去租單車的地方找職員協助，職員帶了我們去御溫泉的醫務室。
醫生詢問一下情況，以及幫爸爸洗傷口，因為斷了一隻牙，肯定回香港要去看牙醫，於是也立即聯絡保險經紀IVAN，確保在當地先集齊所需資料。
雖然酒店的醫療室也有由珠海市斗門區衛生健康局簽發的醫療機構執業許可証，但因為要開診斷報告描述傷勢，不論是IVAN還是醫療室的醫生也建議去掛急診。
最後由御溫泉安排了車及一個職員送爸爸去斗門醫院掛急診，由妹妹陪同。斗門醫院急診科的效率好高，2:45PM到醫院，3:00PM就看完醫生可以排隊付費然後洗傷口，3:15PM就離開醫院了。回程途中，妹妹請御溫泉的職員先繞路去藥店買替換膠布，3:40PM就回來御溫泉了。
我們這邊也沒有閒下來，另外一位職員請我們領她到受傷事發的地方，因為阿DAY知道確實位置，所以由我和DAY負責這邊的跟進。
爸爸就是被這條坑跘倒的
都有2CM高
職員也有向我們講解酒店的保險事宜，她表示酒店的保險只包國內的醫療費用，墊底費為$300，我將這個資訊通知了IVAN。職員也特別為我們提供貼心服務，就是晚上參加廟會時可以先到酒店櫃台，有職員可以領我們免排隊入場，以及安排一張指定餐桌給我們吃晚餐，我們是感受到酒店對受傷事件的重視。