二零二五年一月十八日(星期六)
今日係屯門牛體育會一週年，記得第一次參加屯門牛體育會的活動就係去年3月6日參加跑步組的畫龍跑，4月24日就第一次參加山系組的恆常夜九徑，帶我走進了越野跑的世界，真的很神奇。
今晚各個組別都有特別節目，而山系組的節目就係夜青山。
今晚都好多人參加，大部份都是熟悉的臉孔。
今次係我第二次上青山，感覺上落都輕鬆咗。
雖然天色無第一次上青山時咁清，但係屯門的夜景都係咁迷人。
同埋今晚無咁凍
好多星星呀~
大家帶咗酒同薯片上山，我淨係敢飲3%果汁酒，醉醉地叉錯腳就大件事。
我地返到落山時遇到有神色凝重的警察，又問我地去邊，可能係附近有案件發生，巡視附近時見到一大班人青山落嚟有啲奇怪卦。
上星期仲參加咗屯門牛體育會一週年聚餐，筵開十席。
一班屯門街坊因為運動而走在一起，在這兒認識了一大班志同道合的朋友，互相激勵，互相陪伴，好有愛。