返到長洲我地就要食午餐，今日時間不多，所以我們選擇掃街。
逸逸睇完提子哥哥YouTube 之後話好想食的金莎炒雪糕，但係昨日搵過當年的位置已經無咗，好彩又俾我哋見到，原來係正昨日吃冰凍水果冰的對面。
原粒金莎係冰鐵板上面壓碎，再同雪糕混合炒埋一齊﹗
都幾多功夫，好似睇表演咁~
又真係幾好食喎~
又係提子哥哥食過的炸薯片
唔知係咪味粉落得太少，定係唔夠熱，我就覺得麻麻地。
穿梭小巷的超小型警車
依個係我見到想食的沙嗲雞撈麵
沙嗲好香不過好辣，如果個麵可以濕少少就更好，逸逸都有食，不過一邊食一邊狂灌水。
食完我地就去長洲文化館學整平安包了。
未夠鐘先入去影吓相
依度有兩個電影場景俾人扮鬼扮馬
上面的場景大家認得出嗎？是《唐伯虎點秋香》！
這個好像是法內情之類，逸逸帶咗假髮扮法官。
我地開始參加平安包工作坊了，這是一個和長洲餅店郭錦記餅店的合作企劃。
除了教我們整平安包之外，仲睇咗介紹平安包的影片。原來平安包又叫做幽包、太平清醮最高的包山有6000個包⋯⋯
我們的材料好簡單，是預先幫我們搓好都麵糰和調好味的麻蓉餡。
我哋每組整兩個包，所以要將麵糰分開兩份。
我地的任務就是壓平麵糰
然後包個麻蓉餡入去
左邊係我的作品，右邊加了貓耳朵的是逸逸的作品。接住老師會幫我們拿包去發酵然後再蒸熟，我哋可以45分鐘後再回來。 (CATMIONE係我地平日去上親子烹飪班的代號)
我地又返返入去長洲文化館繼續逛下。
周圍影下相
同埋享用「非遺」工作套餐的芒果糯米糍和手工荔枝蜂蜜梳打。
依度有攤位可以做手工，又有個攤位賣玩具，店主俾小朋友用工具自己整波波。
據說長洲戲院的大樓計劃改建為中式餐廳，唔知攪成點呢？
我地係長洲街頭逛下影下相
學校
長洲最出名的自殺聖地東堤小築，讀書時我地都只係住得起依度。
其實望住個海景色真係唔錯。
慢慢行返酒店，換埋泳衣，又返返去長洲文化館。
因為平安包已經蒸好了
做埋最後蓋印的儀式
平安包大功告成﹗