二零二五年二月二十三日(星期日)
去年見到有屯門牛山友參加了四場迷你四徑比賽，拎到個金人仔獎座，非常羨慕，於是今年我就參加了。
迷你四徑比賽第一回是港島徑
路線是港島徑第三段至第六段：香港仔傷健樂園燒烤場 ->香港仔健身徑 -> 金夫人馳馬徑 -> 中峽道 -> 布力徑 -> 渣甸山 -> 畢拿山 -> 柏架山道 -> 大潭上水塘主壩 -> 大潭水塘道 ->大潭水塘道樂聚園，全程16.4公里 ， 攀升1186米，限時6小時。
今朝約埋其他參賽的屯門牛一齊食早餐同埋搭Uber。
頭9K其實就係上次環島行的路段，對我來說係魔鬼賽道，因為有陰影所以今次放慢腳步，比上次慢咗6分鐘。
迷你四徑絲帶
CP有各式水果、朱古力、蛋糕、麵包、可樂、運動飲品等等，以短斜賽嚟講都算豐富。我就除了REFILL返水樽的水之外，在CP飲咗兩杯寶礦力+一杯可樂，再邊行邊食咗一塊朱古力。
第一次見到吊鐘花時無停低影相超級後悔，好彩之後仲見到。
途經渣甸山，原來在第二次世界大戰期間這兒是主要戰場之一，而當時加拿大軍溫尼伯榴彈兵營的JOHN OSBORN准尉便是在這座山崗上為了保護同僚而壯烈犧牲，所以在山上可以看到這尊紀念碑。
攀升集中在之後7K，對於我嚟講上山的問題唔大，落山先出事。其中一段要長落樓梯，開始感覺左小腿作抽筋，之後左腳就一直都感覺怪怪的，唯有保持安全的速度
其中一個路段，既是港島徑也是衞奕信徑的一部分。
登高就是要望遠
畢拿山觀景台
大潭上水塘主壩
影下相
衝線囉~
最終以2:36:03完賽，不過完賽無完賽獎牌，要儲齊四場先有金人仔。
全場：267/543 女子：79/197 組別：18/32 DNF: 0
去到終點完全唔想食嘢，只係飲咗罐檸檬汽水。
當然要同大家分享下比賽靚相
