二零二六年六月三十日(星期二)
妹妹一家計劃去宿營，邀請我們同行，於是一拍即合一齊去玩。
今天上午還要上班，下午吃過飯後就出發。每一次去西貢都要為著時間和金錢去作衡量，今次有點時間，所以我們先搭屯馬線去到鑽石山，再轉的士去麥理浩夫人度假村。
差不多4:30PM去到營地，妹妹一家也是剛到，剛剛完成辦理入營手續。
麥理浩夫人度假村位於西貢北潭涌郊野公園，佔地13.2 公頃，依山而建。前身原來是萬宜水庫工程師宿舍，於 1981 年改建成為營地，難怪這兒是有廳有房的屋仔設計喇~
行李都未放好就立即衝去繩網陣，因為教練活動4:30PM開始，如果趕不及就玩不到了。
繩網陣有10個關卡，同上次曹公潭的繩網陣相比，這兒感覺比較殘舊。
首先由教練講解注意事項及分發安全設備，係穿著設備時教練就問我逸逸會唔會喊，所以驚驚青青一眼就睇得出。
開始上去已經叫到聲都震晒
一路行一路叫，結果玩咗大約玩咗兩關就真係驚到喊落返嚟，經無一齊玩的爸爸安慰及鼓勵之下，後來都有再上去繼續嘗試，雖然未能完成全部關卡，但係勇敢面對困難再次接受挑戰都係值得讚賞的。
我有做開空中瑜伽就當然輕鬆完成了
玩到成身濕晒
玩完繩網先拎行李返房，我們一家三口入住65號營屋。營舍分爲上路、中路、下路，妹妹預訂的時候為了兩家人住在附近所以訂了離主建築群遠一點的下路，點知原來號碼接近的小屋卻相距非常遠……
我們的房間
之後我們去飯堂吃晚飯，這時外面突然下起大雨，好嚇人。今天宿營的人很少，印象中除了我們之外只有兩枱人吃晚飯。
五餸一湯都幾豐富，而且食物份量比曹公潭充足得多。
食完飯我地去咗打羽毛球，室內場地實在太涼快了﹗玩到尾段我地舉辦了大人VS小朋友的隊際比賽，本來學了幾年羽毛球的曉曉狀態非常勇猛，可惜最後被DAY的氣勢嚇親，大人隊險勝。
經過壁球場我又手痕想打下，最後大家都有試玩，小朋友唔多夠力，恆仔就話依個球類運動好啱佢玩，因為可以自閉。
後來我打壁球時其他人就係另一個壁球場玩芬蘭木棋。
芬蘭木棋的玩法是玩家輪流用一支大木柱投擲，擊倒編號 1–12 的小木柱，目標是「剛好」累積到 50 分。我地再次大人隊VS小朋友隊，我打完壁球都有加入，其實要擊倒小木柱就已經不簡單了。
最後全靠逸逸擊中剛剛好的數字，小朋友隊獲勝。
下一站係打乒乓波，最後都有玩大人隊VS小人隊比賽，不過今次大人隊真係有絶對優勢。
我地又去咗唱卡啦OK，依個系統都幾差，有時歌詞同音樂唔對，而且歌曲好舊，不過都不阻我同阿妹的雅興，盡情大唱特唱。
唱到小朋友頂唔順返過隔離打乒乓球同埋打遊戲機。
返房沖完涼梗係要食宵夜喇~我地帶咗大量零食。
我地仲帶咗一人一個杯麵，不過最後只有逸逸食得落咋~