吃完午餐我們就可以返酒店入房休息一下了。
大約4PM我就叫醒兩父女，因為我們要去參加米蘭大教堂下午的主日彌撒，兩父女半夢半醒的被我推了出門。
我們要搭地鐵去DUOMO站，在米蘭搭乘公共交通工具，14歲以下小童免費，所以逸逸可以免費搭車，我們直接用信用咭TAB & GO，非常方便。
來到米蘭大教堂，外觀真係好宏偉，不過陽光太刺眼，好難拍下好照片。
首先去了解一下參加彌撒的入口，網上資料表示可以由正門（North Door）進入。去到門口向職員查詢，原來彌撒5:30PM才開始，唔知點解我之前寫錯咗5:00PM，咁我地先周圍逛逛。
我地去咗旁邊的艾曼紐二世迴廊打算買飲品，最後去咗入面的Burger King飲汽水食雪糕，逸逸食完雪糕個人醒晨返啲﹗
彌撒在教堂左邊的祭台舉行，參加彌撒的教友可免費進入大教堂舉行彌撒的位置，彌撒進行期間其他位置繼續會開放讓遊客進入參觀。。
聖堂入面好熱，大家紛紛都一係開手提風扇一係就撥扇，逸逸好驚訝點解聖堂會無冷氣。跪凳睇落同贖世主堂的差不多，但穩固度差好遠，我們三個一同跪下時張凳差啲反。
米蘭大教堂5:30pm主日彌撒，除了送聖體和收奉獻有額外人手，成個禮儀祭台上只有神父、讀經和領唱三個人，答唱詠甚至由領唱自己負責晒，當好多參與彌撒的人都是遊客的時候，這也是避免無人識唱歌的好辦法。
逸逸對於同贖世主堂慣常做法不同之處作出很多提問，特別是她正在為收奉獻要處理長棍而苦惱，見到依度用籃收，覺得是一個非常之好的主意。
離開聖堂時再欣賞一下聖堂外牆的雕刻
雕刻真係好精細
逸逸睇完我預備的BOOKLET，知道米蘭大教堂建於 1386 年，歷時近六百年才完成，是世界上最大的哥德式教堂之一，外牆由白色大理石建成，陽光下會閃閃發亮。另外，教堂屋頂有超過 130 座尖塔，逸逸有一個小任務就是要數一數能夠看到多少座尖塔。
尖塔頂端的「金色聖母像」，被米蘭人稱為「La Madonnina」，作為米蘭的代表與守護者。
旁邊就是艾曼紐二世迴廊
艾曼紐二世迴廊是米蘭有名的奢華購物街，拱頂的透明玻璃讓陽光自然地進入建築物入面。
依個商場會令我諗起澳洲SYDNEY的QVB維多利亞女皇大廈，睇返資料原來兩者都係建於19世紀後期，年紀差不多。
大約6:30PM，陽光終於不再刺眼，可以再同米蘭大教堂影合照了。
這是統一意大利的國王Vittorio Emanuele II，明明讀會考HISTORY其中一個TOPIC就係UNIFICATION OF ITALY，點解我對佢毫無印象？話晒當年HISTORY我都拎B的。
今晚係世界盃的決賽西班牙VS阿根廷，我地係米蘭大教堂對出見到阿根廷的支持者。
附近街頭
米蘭輕軌
我地去參觀一下位於舊郵局大樓之中的STARBUCKS RESERVE ROASTERY
八年前已經參觀過當時是全世界最大的上海STARBUCKS RESERVE ROASTERY & TASTING ROOM，今天來到米蘭店在裝潢或者整體觀感其實沒有什麼特別。這家店最特別的其實是其歷史意義，意大利是「血液裡流著咖啡」的民族，大街小巷都是咖啡店，每天都在喝ESPRESSO，看不起AMERICANO，而一家美式咖啡店能夠進駐意大利核心位置，實在是了不起的進程。
逸逸最鍾意係STARBUCKS同熊熊影相
意大利的郵筒
逛逛意大利的玩具店，入面售賣的都是我們熟悉的POKEMON、MARIO、DISNEY、SANRIO……
因為已經太累，我們決定買外賣返酒店食，依間係朗豪坊都已經吸引到我注意的ALICE PIZZA，但當時諗仲有一個星期就去意大利無理由仲食Pizza，無諗過來到意大利第一日就有機會試。
一人一塊PIZZA主菜，首先第一件事要特別記得就係恆仔同逸逸係意大利食咗有菠蘿的PIZZA，第二件事就係我地點了CHOCOLATE HAZELNUT PIZZA做甜品，好味道，不過食到成手都係。
我地一邊食PIZZA一邊預備睇世界盃決賽。
出發之前已經知道我們來到意大利的第一天就是世界盃冠軍戰，9pm開波啱時區真係好爽。無諗過我地酒店的電視明明有關於世界盃的節目點知好似無直播，而且訊號接收非常差，最後都係靠上網搵到一個轉播韓國頻道畫面普通話旁述的直播，總叫做有得睇。
我已經係最後一個倒下來，但都只係睇到大半場，還是要翌日起床之後才知道西班牙獲得今年世界盃的冠軍。