二零二六年九月三十日(星期三)
今日逸逸10歲了﹗
今年生日，逸逸一早就講到明話想要住黃金海岸酒店、游水同埋食BUFFET，所以我當然一早就上網安排好晒喇~
今次是逸逸第三次在黃金海岸酒店慶祝生日，3歲生日個次相信已經無乜印象，但係前年生日就玩得好開心非常難忘，今年的目標基本上係複製兩年前的活動。
逸逸最鍾意露台，所以貴啲都要BOOK海景露台房。為免耽誤玩水的時候，今日放學就直接去酒店了。
第一時間衝去泳池，黃金海岸酒店泳池強制12歲以下小童穿著救生衣，不過好多人都唔聽話。
有得玩水就最開心
黃金海岸酒店泳池其中一個吸引之處就係可以玩滑水梯，滑水梯當然要玩N次。
逸逸係下面等我，一落到黎就向我潑水，有時就調返轉頭我係下面等佢~
另一個玩極都唔厭的區域 — 黃金水動樂園
係度跑嚟跑去，又擺POSE影相，不亦樂乎。
最怕比水淋頭的逸逸今年竟然不停地玩依個小水筒，諗返起當年剛剛學游水，俾教練迫佢放頭落水結果驚到連沖涼淋花灑都爆喊，依家真係大個女了﹗
黃金海岸酒店另外一個賣點就係超靚日落，對於逸逸嚟講KEY POINT係要一邊玩滑水梯一邊睇日落，恆仔早半個鐘覺得凍先返房沖涼，我就陪逸逸留守到6PM — 即係開池的最後一刻，係滑水梯一邊滑落嚟時一邊欣賞美麗的夕陽，睇埋日落先走。
沖完涼係露台仲睇到少少晚霞
晚餐都係逸逸要求的黃金海岸酒店自助餐，今年係真正的大個女，拎食物唔單止係自己拎，仲唔駛陪自己去。
依家係酒店網頁BOOK自助餐好抵，買一送二，不用$1000一家三口食飽飽。 食物雖然唔特別精緻，不過絕對對得住價錢。
食飽咗係海邊散下步
我培育了一隻逸逸皮克敏
HAPPY BIRTHDAY MY GIRL~
爸爸媽媽愛你