二零二四年十月六日(星期日)
今日同妹妹一家去參加美津濃跑步祭2024，妹妹、Day和我參加10公里賽事，恆仔同曉曉逸逸就參加3公里賽事，詩詩未夠年齡參賽只能夠做觀眾。
本來根據計劃係好完美咁分兩組一齊跑，點知出咗賽程先發現Day跑7:45am，我同妹跑9:15am，恆仔跑10:45am，曉曉逸逸跑11:15am，打亂晒我地全盤計劃。
我地係度等DAY完賽然後交收小朋友
我同阿妹係跑依場10KM架！不過因為要交收小朋友的關係，我哋開跑前5分鐘先到上線區，所以基本上係企最後的位置。
上星期曬到痴線，今次第一次戴cap帽跑10K。
雖然話5分鐘前先去到上線區，其實仲有足夠時間影下相。
因為今次好多屯門牛牛參加比賽，比賽時間又分散，所以沿路都有好多朋友仔幫我影相。
事隔一星期再跑10公里比賽，今日唔知算唔算有PB，反正就是跟上星期的成績很接近，都係60分鐘內完賽，但今日全程跑得好舒服，中間無問過自己咁辛苦為乜，而且Pacing好穩定無乜大上大落，如果開頭唔塞人應該PB左﹗
平均的配速
最後原來PB咗2秒
同屯門牛牛合影
今日不停等了又等，依個時候應該係恆仔跑緊的時候。
到小朋友上線喇~女子50歲以上組？明明8-15歲都係依個時間喎~
今次係逸逸第一次參加3公里的賽事，賽前一直提醒逸逸唔好跟人衝，要依照自己的步伐跑，她起步時好快就墮後至包尾，跑下跑下雖然都無好快，但1.5公里後我地再見返佢已經超前咗唔少人。
始終佢剛剛夠歲數參賽，加上又瘦個樣又B，有對夫婦見佢自己一個跑好擔心佢，特地陪佢一齊跑，直至見到我地先至加速。
買咗隻Garmin錶俾逸逸可以聽住歌跑步，好似真係有啲用。
後1.5km我做路人陪佢跑，我陪跑期間無投訴無話累keep住跑無停落嚟，真係有好大的進步，叻叻﹗
最後大約28分鐘完賽
美津濃跑步祭最正係賽後有好多嘢食，不過我哋排隊時已經無晒雪條同豆漿。
啤酒都係唔凍嘅，拎返屋企雪返凍先飲。
排隊時見到阿芝，佢都係一家三口一齊參賽。
有得食燒賣最開心
工作人員見我拎唔掂咁多嘢食，俾咗個紙箱我做托盤。
本來係打算同阿妹一家一齊食午餐，結果大家食完小食都太飽食唔落飯，咁各自返屋企喇~
影返張全家幅
比賽靚相：
