二零一八年八月四日(星期六)
趁著恆仔生日，我們又有藉口出遊，短短地去個澳門兩日一夜都好。買好晒船飛訂好晒酒店，逸逸竟然係出發前三日開始發燒但無其他病徵，因為表妹詩詩早前確疹了出玫瑰疹，以為逸逸中左招，點知出發前一日早上就退燒然後乜事都無，真係唔知發生咩事，總之最後我們的澳門之旅就不受影響了。
搭船出發喇~我地繼續坐10:10AM的航班，今次有點晏，買外賣早餐上船食。
年滿1歲就要買船票，逸逸第一次有自己的位位，好興奮。我地坐好之後就食早餐，逸逸專心自己搣雞蛋食，然後玩多一陣就到澳門，第一次成個船程都係清醒而且無奶奶，果然大個女了。 閱讀全文
離開二龍喉公園，我們出發去吃午餐。
上網SEARCH了很多地方，最後選了在旅客之間人氣很盛的雅馨緬甸餐廳。不過就是因為人氣太盛，所以要等位之餘我們也要分坐兩枱，我們一家和媽媽坐在同一枱。
對於緬甸菜非常陌生，所以我們點的都是網上食家們話好食的推介。
我的椰汁雞麵 – 椰汁湯底好香好濃郁，果然係唔錯。不過另外我點了一杯緬甸凍奶茶就無乜特別了，還是港式奶茶好飲D。 閱讀全文
今日最後一個節目就是去四季酒店的鳴詩食自助晚餐。
本來諗住去食近期最HIT的GRAND HYATT的MEZZA9 MACAU，一個月前SEND EMAIL去預約收到回覆已經FULLY BOOKED去到年尾；後來又諗住試下SELL音樂噴泉景同甜品的永利酒店咖啡園，又係無位；最後不如就去食我和恆仔試過印象非常好四季酒店的鳴詩吧﹗
不過最老土的就是上次我們住氹仔就去澳門半島的MGM食BUFFET，今次住澳門半島就去氹仔食BUFFET，搵自己黎搞。我地預約左7PM，所以大家約好6:30PM落大堂等一齊搭的士過去，點知的士好少我地又要分兩架先坐得晒，結果第一架的士來的時候我們坐左4大2B先去攞位，留番恆仔和阿妹等下一架車，落的士的時候已經收到酒店來電查詢我們是否會來吃飯了。
最神奇的是的士司機知道我們其實還有兩名成員要等下一架的士，他竟然話早知收多我地少少錢叫佢地上埋車，我心裏有兩個疑問，第一，四個月前來澳門的印象不是捉超載捉得好緊的嗎？第二，如果他們坐埋上來真的坐得落嗎？
好彩他們也不是等太久就有的士過來，我們可以開餐喇~
BUFFET枱上最吸睛的繼續是供應源源不絕的龍蝦，鮮甜又彈牙~
沙律也是非常吸引 閱讀全文
