網上面的食譜千花百門，質素參差不齊，難得搵到啱用又好味的食譜，就要記低，下次先可以再煮返同樣美味的食物。
中國菜
韓國菜
新加坡菜
日本菜
西餐
MY KITCHEN
回覆
分類彙整: My Kitchen
韓式炒雜菜
一向鍾意韓食，今次趁住逸逸考試要留家溫習無街去，我就試下再次挑戰蠻花時間的韓式炒雜菜。
今次參考咗一個台灣人睇完尹食堂之後再向韓國主廚請教學習後鑽研出來的零失敗好吃版「韓式炒雜菜」，果然大成功，味道同出街食的好似，所以一定要記低個食譜。
材料：
韓國冬粉 3人份
豬肉/牛肉絲 200g
菠菜 4棵
洋蔥 半個(切絲)
甘荀 半條(切絲)
櫛瓜 半條(切絲)
冬菇 2-3隻(切絲)
*真正好吃的炒雜菜，是菜跟冬粉的份量要各半
基礎醬汁：
生抽 4湯匙
糖 2湯匙
水 2湯匙
蒜茸 半湯匙
梨汁 2湯匙
黑胡椒 少許
涼拌菠菜調味料：
生抽 1茶匙
蒜茸 1茶匙
麻油 1茶匙
黑胡椒 少許
做法：
- 先把醬汁調好，砂糖盡量要攪拌均勻。
- 豬肉絲先用一半的基礎醬汁醃10分鐘。
- 韓國冬粉按包裝指示放入滾水中煮熟後撈起，把冬粉用剪刀剪一刀方便食用，淋上2-3匙的《基礎醬汁》，以及適量麻油可防沾黏，攪拌均勻放著備用。
- 菠菜洗淨切小段，滾水中燙1分鐘，瀝乾沖冷開水降溫，完全擠乾菠菜的水分，加入《涼拌菠菜調味料》攪拌均勻備用
- 加一點油，先炒洋蔥，炒至微微變軟就加點鹽，約3分鐘後撈起備用。
- 同個鍋子以一樣的方式分開炒紅蘿蔔和櫛瓜（記得都要加一點鹽調味），取出備用。
- 最後加多點油炒香菇，一樣以鹽和黑胡椒調味。(因為香菇需要比較長時間跟比較多油炒才會香)
- 原鍋加油，倒入醃好的肉絲炒熟。
- 加入冬粉、所有炒好的蔬菜以及涼拌菠菜，並加入1-2匙的《基礎醬汁》拌炒均勻，試試味道，如不夠鹹就再加基礎醬汁調味。
電飯煲蟹柳蒸水蛋
結婚就快20年，煮飯好少蒸魚或者蒸水蛋，因為屋企無中式鑊又無大煲，唔可以用明火蒸。如果用電飯煲蒸水蛋一定蒸得太老，近年試過用蒸焗爐，按晒網上食譜的時間步驟都唔知點解蒸極都蒸唔熟。
其實邊個話一定要一開始煲飯就放碟蛋入去電飯煲？只係之前太懶者。今次終於的起心肝要記住蒸蛋的時間，慢慢調節，決心要搵出蒸滑蛋的FORMULA。
2025年7月22日 – 蒸了30分鐘，表面還好但入面有點煮得過了火喉，唔夠滑。
材料：
蛋(中型) 3隻
水 與蛋液同等份量
蟹柳 4條撕碎
鹽 適量
做法：
- 雞蛋打勻，加鹽和水，清走表面泡沫。
- 碟上先放蟹柳絲，再加上蛋液。
- 飯煮好前30分鐘(可縮短時間)放入電飯煲內，飯煮好即成。
燜煎枝豆
早前去了鳥貴族吃飯，發現逸逸跟我一樣喜歡吃枝豆，翌日去街市買餸見到$20三款菜，其中一款我就選了枝豆。
一般枝豆的做法是加鹽用水煮，據說用燜煎方法烹調枝豆可以保留枝豆中的維他命C及維他命B雜等水溶性維生素，希望可以增強逸逸的抵抗力。
材料：
- 枝豆 半斤
- 粗鹽 大量
- 橄欖油 適量
做法：
- 剪去毛豆的頭尾端，用鹽搓揉毛豆調味。
- 將已調味的毛豆放入鍋中乾煎到表面微焦。
- 蓋上鍋蓋，轉小火燜煎約5分鐘。
- 淋上橄欖油拌勻，即成。
麵豉蛋黃醬焗三文魚
直到今天，照燒汁焗三文魚一直都係逸逸喜歡媽媽餸的第一名。
但係佢唔厭我都覺得悶，因為逸逸都鍾意飲麵豉湯，於是試下依個麵豉蛋黃醬焗三文魚。逸逸大讚好味道，今晚食飯第一名，仲快過爸爸。
材料：
- 三文魚柳 1片(約120g)
調味料：
- 麵豉醬 1湯匙
- 蛋黃醬 2湯匙
- 味醂 1/2湯匙
做法：
- 三文魚柳解凍後抹乾魚身。
- 將調味料表中的醬汁預備好。
- 預熱焗爐200度。
- 用醬汁調味，醃5分鐘。
- 將三文魚放入已預熱的焗爐焗15分鐘即成。