二零二四年七月二十一日(星期日)
繼一個星期前的飛越荷蘭徑之後，今日就迎來我的第二個山賽：夏日黃昏賽@城門站。
之前我已經因為位置方便而有興趣參加，不過妹妹這天已出發去咗旅行，我自己諗咗一輪，見都有好多屯門牛朋友仔參加不愁寂寞，所以最後無人陪都自己報咗名。
起點和終點都是在城門水塘主壩，依幾日天氣唔係幾好，好彩今日比賽無俾颱風影響到。
賽事路線：城門水塘主壩 -> 麥理浩徑第6段 -> 金山路 -> 衛奕信徑第6段 -> 大埔公路 -> 金山路 -> 衛奕信徑第6段 -> 城門水塘主壩（八字型路線）
屯門牛牛集合之後先一齊影下相先，好熱鬧。
見唔見到我隻左手收埋咗？其實我拎住個電話做緊嘢呀~係城門水塘唔係個個位收到電話，有點狼狽。
出發喇~今日有陪跑牛牛帶埋航拍機做我地攝影師。
頭段上山塞人
落山就係梗係我塞住人喇~依個位都有攝影師，山賽攝影師真係好有HEART~
今日比上星期比賽跑多咗，真心覺得自己落山快咗好多，雖然同其他人比都係好慢。
靚相~
好鍾意依張相，笑得好開心。
今日沿路見到好多猴子
多到嚇死我，唔敢輕舉妄動。
夏天黃昏跑山真係好正，好涼爽，唔駛戴帽同埋防曬袖。
今日中段補給無上星期咁豐盛，只有可樂、寶礦力同水，不過其實只要有可樂飲已經全身充滿力量。補給後同屯門牛MAN一齊行咗一段，大家都有差不多大的小朋友，話題不斷。不過始終今日自己玩，都想盡下力做時間，了解下自己的能力，所以休息夠我就先走一步了。
跑下跑下前後都見唔到人，不過絲帶指示非常清晰，一啲都唔擔心。
總排名：164/269 女子排名：39/87 組別排名：5/12
終點有魚蛋同燒賣食，不過太熱都食唔落，只係食咗幾件西瓜。
好開心有雪條食，我揀咗條綠豆雪條，正﹗
仲飲咗一罐雪碧一罐啤酒添~
離開會場原來係最大的問題，等小巴條人龍長到嚇死人，又完全CALL唔到UBER，最後行到落可風中學先CALL到UBER趕返娘家食飯。
PS 玩完依場山賽要開始預備11月的半馬，下次山賽要2024年11月後先可以再參加了。