我是看恆仔找給我的圖解學習破解扭計骰第二行的方法，雖然只要按照公式做，最後總會解得開，只是每次總要重覆做好多次同樣的公式，明明轉左正確的顏色落嚟，下個move又彈返上去，好似盲頭烏蠅咁。

我覺得應該有比較精確的方法，於是畫低個扭計骰的狀態，做完個move再比對它的變化，搵到佢個規律，相比起之前要十幾個move，依家四至五個就搞掂。

我好興奮咁話俾恆仔聽，佢話唔知我原來唔知，因為YouTube入面有講。不過始終係自己研究出的東西，比人哋直接教我更有成功感。

好多小朋友都鍾意大人抱，逸逸撒起嬌上來甚至話要抱到變大人，到死上天堂都要抱，超級無賴。

不少餐廳定立「用餐時間一小時」這個規矩，潛台詞就是吃飽給我快滾，不要賴死唔走阻住翻枱。不過，餐廳又有否想過顧客接收到這個訊息，也會對餐廳產生一些期望？

今天去了V City的炙·宴吃午餐，入座的時候職員告知用餐時間為一小時。結果等了超過20分鐘仍然未見食物的踪影，開始追單。因為趕時間的關係，我不禁向職員抱怨用餐時間一小時怎麼食物要等這麼久，職員回答不用擔心，過了一小時也可以繼續用膳至食完。

餐廳定立「用餐時間一小時」的規矩，顧客同樣可以解讀為來今天我是來吃快餐，而我們正正就是趕時間才來這兒用膳。餐廳食物上得快就趕你離場，上得慢就可以推翻之前訂下來的規矩，咁樣即係龍門任你擺？顧客只係受餐廳擺佈的角色？

最等了30分鐘終於開始陸續上餐，逸逸被我催促著快點吃，最後用了10分鐘就要食完碗烏冬，然後匆匆離去。

一向都係韓印紅的粉絲，最鍾意就係韓印紅的包飯菜，又新鮮又乾淨；另外蜂巢式燒烤調味五花肉都係好嘢，明明係五花肉但係唔會食到成口油﹗

近日加入咗韓印紅粉絲團，第一個試食活動就係魚糕+年糕，我好鍾意食魚糕同埋年糕，但一向都麻麻地韓國年糕+魚糕的煮法，因為經典紅色的年糕醬汁入面有種我唔太鍾意酸酸地的味道，所以今次我就揀咗比較特別的口味：[國民學校]高級魚糕炸醬長條年糕。

原來係急凍年糕，要存放係冰箱。

入面有三個包裝袋，分別係長條年糕、魚糕同埋醬汁。 閱讀全文 →

倪匡先生近日離世，以前也曾經因為看過一個有關倪匡先生的電視節目寫過一篇文章，今天也希望藉機會記錄一下倪匡先生其實曾經也是在我的中學生活中重要的一部分。

中學時代看了過百本倪匡先生所寫的衛斯理+原振俠+女黑俠木蘭花，快閱模式一日完成一本，多到書名內容都記到亂晒，有時去到圖書館都唔肯定睇過未，搬咗返屋企睇幾頁先發現已經睇過係常見的事。

每過一段時間就想試下由頭睇一次成個衛斯理系列，所以睇得最多次一定係一號作品鑽石花。好可惜通常都係有頭威冇尾陣，有時候自己無時間去圖書館（仲要無還書被罰款），有時候就係借唔到下一本書，總之就係每次都好快放棄。

最印象深刻的作品：大廈、玩具，睇完覺得好驚。