網誌日期：2007-10-13 23:59

終於補寫番呢個大日子o既diary了﹗有兩樣o野呀，家姐結婚+surgery o既OSCE﹗

呢件都算係我人生之中其中一件超遺憾o既事，居然唯一o既家姐結婚o個日會撞中考試喎﹗太可惡了﹗憎死surgery~不幸中o既大幸係，好在個試都好早考完o者，十一點幾就走得，係miss o左屋企最熱鬧o個part o羅，係聖堂o既婚禮同埋夜晚擺酒方面都唔受影響~考試一切順利呀，因為呢個試不嬲都放水o既，所以知道晒要讀熟咩topic，去到考試當然冇乜大問題啦，最怕怕都係o個幾個live station o者~整體都ok o既~

十一點幾考完就飛奔去join番大隊lu，呢個時候佢o地到達男家，家姐要斟茶俾老爺奶奶~原本應該趕得切上去佢o地屋企o架，但因為搭錯lift，耽誤o左少少時間，結果係join食飯…都好o既~就趁呢個時候認識下D兄弟姊妹團啦﹗姊妹們就好熟喇，係唔識D兄弟o羅~

家姐o黎到坐低隔離枱食飯，哇，好靚呀~個妝、set o既頭都好靚﹗唔該晒你呀，化妝師maggie~食飯時我o個枱除o左坐o左兄弟姊妹團之外，仲有化妝師maggie，我o地係度怒吱喳，呵呵~(家姐話：「你同個個都好傾o架啦~」<–都唔係咁勁o架~)

lunch後搭車番屯門﹗

行婚禮o既地點就係我o地長大o既天主教屯門贖世主堂了﹗我仲係一個embryo(胚胎)時已經番緊呢個聖堂啦~

我終於係D相度出場了﹗原本應該係同day負責做接待，但因為太忙碌啦，都冇好好安守本份添~又要換衫化妝啦，又要照顧幫手彈琴o既stanley啦，又要同day最後夾一夾首歌啦~

兩個鐘頭內，由一家四口就要變成一家五口了﹗歡迎你啊~恒仔~家姐結婚時身型就好fit喇，我就…哎吔吔~

呢個就係我要搵stanley幫手彈琴，而唔自己親自出手o既原因了，我要充滿感動咁觀禮~(註：後面光頭o個個係我爺爺呀~另外，我媽咪今日係咪好靚靚呢~)

新娘子梗係拖住爸爸o既手進場啦，大家想像一下，background音樂係「結婚進行曲」~你睇我爸個樣係咪喜孜孜(<–我覺得冇一個詞語比呢個更貼切﹗)呢~

身為家人o既我o地坐第一排o既最佳位置~

因為篇幅有限，已經去到締結婚約o個part了，家姐邀請o左由細睇到佢大o既林祖明神父為佢o地主禮~而家家姐同恒仔o既對白應該講緊「我們願意」，係對天主o既承諾o黎o架~

恭喜晒家姐啊~要擁抱一下~

簽署結婚證書時，我同day獻唱五月天o既「天使」祝福家姐姐父~藉著sweet sweet o既歌詞，希望佢o地永遠都係對方o既天使﹗我開始唱時都仲ok o架，但到講o野時就熱淚盈眶，喊~之後再唱時就走晒音啦~

由神父+新人+雙方主婚人(多數係爸或媽吧~)簽署結婚證書~

其實呢類家姐佢o地相影o左幾十百萬張，特別揀呢張係因為，我o既老友古古都o黎o左參加婚禮啊﹗謝~(擁抱一個先~)我o地form 2識到而家已經有十年了，佢都叫做「識」我姐姐十年啦~大家都讀同一間中學嘛~

之後我要負責快閃，第一批人趕過去酒樓，接待早D o黎o既親友~的士逼滿五個人，我同day啦，另外有恒仔o既friend mandy同埋janice，我o地四個負責reception，另外仲有子健，佢有重要任務呀，要拎D菲林去金都商場，即日剪片，咁夜晚時就可以播番即日片段嘛~係車上我o地三個女生狂吱喳，講到聲都沙添~兩位男士就靜靜的，唯獨司機大佬係度答訕，呵呵~

家姐首先都係著褂出場，要同朝早未o黎o既長輩敬茶嘛~我就換o左條裙，一化o左妝set o左頭出o黎時，D兄弟幾衰呀，話我「變身」、「變靚D」…太可惡了﹗雖然變靚D係好o者，但好似o個D個案開頭時都係好醜樣o架喎~

一家人影個大合照﹗day打o左特登要襯番我條裙而買o既藍色呔﹗靚~

我同day負責reception~

開始了開始了﹗我o地除o左係「迎賓」之外，同時都係司儀o黎o架~大家時時見住我o地厭唔厭？呵呵~

今次有遠自台灣o既朋友o黎賀爹媽啊﹗大川叔叔係佢o地大學同學，大川叔叔o既媽媽(94歲)同埋兩個姐姐(60幾歲)都一齊o黎啊~佢o地係山地人，除o左上台同說話祝福之外，仲唱歌同埋跳舞添~好熱鬧﹗今次邀請o左上台o既除o左大川叔叔一家人之外，仲有美姨(媽咪排第八o既妹，由新加坡飛番o黎飲呢餐o架~)、爸o既廿幾年同事蔡叔叔、家姐o既大學朋友大芬同kit，同埋恒仔o既老師+兩個同學仔~咁樣令一個「飯局」變成一個「聚會」呢~我估大家都enjoy呢一晚~

又係篇幅有限呀，話咁快就去到送客了~奇特o既影象，大家都好有秩序咁排隊同我o地握手啊﹗多謝各位親友o既來臨啊~