二零二五年四月二十三日(星期三)
今日繼續在酒店吃早餐。
今天吃了滷肉飯，又試了恆仔推介的豆腐花，當然唔少得一大盤水果。
因為今天預約了位於前鎮區的餐廳吃午餐，早上打算帶逸逸去附近玩公園，上網SEARCH下高雄有趣的公園，本來想去星光水岸公園玩水，點知原來夏天先開，後來發現附近有一個叫做中油海洋天堂公園，睇圖片好似都幾好玩，就佢喇~
我地先搭地鐵去凱旋站，落車後行去對面的輕軌前鎮之星站搭輕軌，本來去中油海洋天堂公園可以係軟體園區站落車，但係我想望下星光水岸公園，所以搭多個站係高雄展覽館站落車。
經過有型的高雄展覽館 閱讀全文
二零二五年十二月二十五日(星期四)
聖誕之旅出發喇~
今天乘搭2:10PM的航班，可以在家附近悠閒的吃過早餐再搭機場巴士來機場。
依家CHECK IN和領取BAG TAG都是全自助。
寄行李都係自己搞掂，依個係逸逸的新行李箱，所以今次她自己的行李自己顧。 閱讀全文
二零二六年一月十八日(星期日)
在還未出發去台灣跑我的初馬之際，已經報名參加了渣打馬拉松的全馬。
初馬時擔心的是那未知的最後10KM，經歷過初馬之後擔心的正正就是那已知的最後10KM：累到雙腳好似綁咗石頭，提高隻腳都無力，好辛苦先頂到最後……而渣馬更恐怖的是因為三橋三隧多斜而被稱為地獄賽道，即是更加辛苦﹗所以完成初馬回港後我就立即回復訓練，每次長課都跑青公練斜。
醜婦終須見家翁，無論點都好，終於來到渣馬正式比賽的日子，因為渣馬補給沒有台灣的比賽豐盛，以今次帶了四支GEL，仲帶埋撒隆巴斯噴霧，唔好彩抽筋都可以自救。
今早調教了4:20AM的鬧鐘，起身梳洗之後食埋早餐先出發。
初馬時早餐食麵包和香蕉好似幾唔錯，今早食了半個提子大麥包和一條香蕉，參考去年屯門牛友人阿KIM去到尖沙嘴食包好似幾好，今次我都再帶多四份一個提子大麥包去到尖沙嘴先食。
朝早搭地鐵的都是去參加渣馬的跑手 閱讀全文
公司每年都會攪CHRISTMAS CHILDREN FUN DAY，疫情之前會自己攪聖誕兒童遊戲日，疫情後就變咗海洋公園或者LEGO DISCOVERY CENTRE包場活動，因為根據PATTERN都係隔年會轉，所以今年逸逸係期待住要去LEGO DISCOVERY CENTRE，點知今年公司攪DISNEYLAND包場，我地有迪士尼年票即係唔會額外俾錢去，於是我就好豪氣咁話不如今年我地聖誕節去LEGOLAND喇~
亞洲地區的LEGOLAND有三個選項，分別是日本名古屋、韓國春川以及馬來西亞新山。2022年聖誕我們去韓國旅行的時候，先出發的妹妹一家去了春川的LEGOLAND，話因為太凍部份設施無開，亦因為太凍只想躲在室內，所以我就決定去2013年我和恆仔已經去過一次的馬來西亞新山LEGOLAND。事隔12年，新山LEGOLAND除了園區有持續擴張之外，仲開咗酒店、WATERPARK同埋水族館，住兩晚LEGOLAND酒店就可以全情投入咁玩三日兩夜。
往來香港還是經新加坡出入比較方便，可能因為2013-2015年我們曾經三訪新加坡，今次除了想帶逸逸去UNIVERSAL STUDIO之外，對新加坡都無乜其他諗法，到時先算喇~
買機票時先發現原來聖誕節去新加坡的機票好貴，不過其實去日本同韓國仲貴，不過既然應承咗個女就點都要兌現承諾，下次聖誕假期都係去國內旅行比較化算。
