二零二四年七月二十九日(星期一)
雖然DORMY INN的床因為呎吋太細而偏離了我的EXPECTATION，但除了床的呎吋以外，DORMY在其他部份的得分是非常高的，其一就是這兒的大浴池。
去日本旅行最想就係浸溫泉，就算唔係溫泉水但係浸浴都可以消除疲勞，所以揀依間酒店其中一個原因就係佢有大浴池。
逸逸都係溫泉控，昨晚很夜才到達酒店，瞓覺前已經同她講好會嘗試叫佢起身一齊浸浴，到時如果佢想繼續瞓就我自己落去。今早我叫她起床，當然就是要繼續睡，我就自己一個落嚟享用大浴池了。這兒毛巾和沐浴用品齊備，也有LOCKER，只要帶備大浴場密碼就可以兩手FING FING咁過來。
大浴場在早上供應益力多，晚上供應雪條，依個係我出發前已經同逸逸介紹咗，佢亦一早背熟咗，而且非常期待。 閱讀全文
本來今年暑假的計劃是意大利英國之旅，因為老爺在七月初要做個手術，所有暑假的安排都要有待確認老爺手術後的狀況再作安排。七月尾一早拎咗幾日假點都用嚟陪逸逸放暑假，所以老爺手術後身體康復進度良好就立即買了機票去幾日東京，但在東京只有三個FULL DAY，完全無放暑假去旅行休息放鬆的氛圍，所以目標還是八月尾的長旅行。
東京之旅都未出發就開始揀下一個目的地，本來我係想去布吉或者濟州甚至蘇梅，但係機票一係好貴一係時間太差，最後兜兜轉轉的決定又去日本，不過今次係飛福岡。
我去過兩次九州，第一次係二十年前同屋企人去經典景點：福岡、別府、湯布丸、阿蘇火山、長崎以及豪斯登堡；第二次就係九年前去鹿兒島。今次行程上有兩個我特別想去的地方，一個是帶逸逸去豪斯登堡玩主題樂園，因為九州比較多睇風景的景點，所以想平衡一下；另外一個景點係風景超美的高千穗峽。由於今次會自駕，如果同時去豪斯登堡和高千穗峽駕駛時間相對比較長，經過上次去澳洲長途駕駛的煎熬，都係唔好花太多時間在交通上面。上網參考其他人的行程，原來西九州一帶都好多嘢玩，於是決定今次集中玩西九州，來一趟橫跨福崗縣、佐賀縣和長崎縣的西九州之旅。
福岡機場進出，第一晚住唐津，然後兩晚住豪斯登堡，一晚嬉野，再住兩晚鳥栖，計劃中的行程如下：
DAY 1 – 博多運河城ALPEN→唐津
DAY 2 – 自駕穿越虹之松原→虹之松原森林浴之森公園→鏡山展望台→呼子朝市→呼子港海中展望船→浜野浦の棚田展望台→大浦の棚田展望台→いまり夢みさき公園→豪斯登堡
DAY 3 – 豪斯登堡
DAY 4 – 長崎BIO PARK→西海の丘展望台→九州縣立陶磁文化館→TOMBA WALL→陶山神舍→嬉野溫泉
DAY 5 – 嬉野元祖忍者村肥前夢街道→浮羽神舍鳥居→朝倉三連水車→朝倉揚水車群→鳥栖PREMIUM OUTLETS
DAY 6 – FRUITLIER摘梨→八女中央大茶園展望所→恋木神舍→柳川遊船→鳥栖PREMIUM OUTLETS
DAY 7 – 天神地下街
平日我都唔會特地記下PLAN好的行程，始終旅行總會有好多唔同的原因好想或需要將行程微調，但今次因為颱風十號的關係，由DAY 4下午已經開始亂晒，DAY 5開始所有計劃的地方都無去咁滯，所以點都要寫低依個遺憾。
二零二四年七月二十八日(星期日)
自從考完評估三，逸逸就開始問我今年去邊度旅行。雖然暫時未有定案，但預計都係8月最後一個星期先出發，但係無論可唔可以離開香港都係7月拎咗四日大假陪逸逸放下暑假。
7月12日確認7月尾可以飛，但係本身今年逸逸的暑期活動排得密密麻麻，星期二下午學滾軸溜冰、星期四下午學跳舞、星期六下午學田徑、星期日早上學曲棍球，因為滾軸溜冰是私人班可以隨意調時間，最後星期日下午出發，星期四早上回程，五日四夜晚機去早機返，玩足三日，去東京食下逛下都唔錯。
早上出京士柏運動場學曲棍球，一落堂就飛車返屋企沖個涼就坐UBER去機場。
逸逸話記得上次來機場時見過依個瀑布仲玩咗好耐。 閱讀全文
二零二三年七月二十六日(星期三)
來到旅程的最後一天，今日一早要由恩納駕車回那霸機場返香港。
預備行程的時候上GOOGLE MAP睇過由恩納去那霸機場車程不用一個小時，所以才很安心的最後一晚住恩納然後打算10AM機場交車。後來和SOPHIA傾租車安排的時候，她說因為朝早恩納出來機場比較塞車，如果想10AM去到機場，朝早7點幾就要係恩納出車。她又提醒我們旺季機場比較多人，最好提早兩個多小時到機場。
結果最後我的行程表是7AM出門，9:30AM還車。
7AM出門，最遲6:30AM就要起床，我要駕車就先吃昨天買好的早餐，逸逸則可以多睡一會兒上車再吃早餐。
一直留意住GOOGLE MAP的預計行車時間，1小時7分鐘到機場的話7:15AM出門還是有點太早。 閱讀全文
