二零二四年九月十五日(星期日)

我地連續第二年去參加奇妙處處通反轉迪士尼晚會了﹗

門口的彊屍牙米奇

影下HALLOWEEN裝飾 閱讀全文 →

二零二五年八月二十三日(星期六)

今天繼續在酒店樓下的餐廳吃自助早餐。

這天早餐發生了一件感受麻麻地的事，話說我想吃湯粉，但COUNTER沒有人，於是我就向侍應查詢一下，侍應叫我先拿其他食物。於是正當我捧著碟子正在拿食物之際，負責COUNTER的廚師出來了，他遠處叫住我問是不是要湯粉，我請他稍等一下，他竟然立即黑我臉……

今天我們參加了古芝地道湄公河三角洲之旅包團一日遊，約好了導遊7:45AM到酒店大堂接我們。 閱讀全文 →

二零二六年六月三十日(星期二)

妹妹一家計劃去宿營，邀請我們同行，於是一拍即合一齊去玩。

今天上午還要上班，下午吃過飯後就出發。每一次去西貢都要為著時間和金錢去作衡量，今次有點時間，所以我們先搭屯馬線去到鑽石山，再轉的士去麥理浩夫人度假村。

差不多4:30PM去到營地，妹妹一家也是剛到，剛剛完成辦理入營手續。

麥理浩夫人度假村位於西貢北潭涌郊野公園，佔地13.2 公頃，依山而建。前身原來是萬宜水庫工程師宿舍，於 1981 年改建成為營地，難怪這兒是有廳有房的屋仔設計喇~ 閱讀全文 →

去意大利威尼斯坐GONDOLA同埋睇比薩斜塔一直都是在我旅行的BUCKET LIST。2015年去法國旅行的時候，當時另外一個ALTERNATIVE其實就係意大利，最後因為菊姨只係俾咗法國的PACKAGE資料我，所以當年就去咗法國旅行。

2016年逸逸出世，2023年7歲的逸逸成功衝出亞洲坐相對長距離的飛機去澳洲旅行，開始再次興起要再闖歐洲的念頭。坐言起行，原本2024年已經計劃去意大利放暑假，但因為老爺要做手術所以擱置，之後老爺身體都麻麻地需要照顧，直至今年初請了一個很好的工人姐姐，我地終於可以再次出發了。

相比起去法國旅行，今次去意大利要決定停留的城市就簡單得多，我其實在1998年的時候去過一次意大利，當時只是蜻蜓點水式去過羅馬同埋ASSISI，所以當是新手入門，今次揀返意大利入門的四大城市米蘭、威尼斯、佛羅倫斯同埋羅馬就無走雞。講到去意大利恆仔就想睇耶穌裹屍布，所以在米蘭時安排了DAY TRIP去都靈；我的聖名叫做Catherine of Siena，所以去佛羅倫斯時除了安排DAY TRIP去比薩斜塔之外，又安排了DAY TRIP去SIENA。

整天都是看教堂和博物館，逸逸應該頂唔順，我真係無辦法加到海灘或者主題公園的行程，但係點都係中間加插了去公園玩下滑梯的活動，又訂了一個FULL DAY的COOKING CLASS，希望令旅行變得多樣化。

意大利的行程就這樣決定好了。

飛基團好友張宅和杜宅移咗民去英國，一場飛到去歐洲無理由唔探下佢地，於是係意大利玩完兩個星期就再飛去英國玩幾日，一方面與好友相聚，也體驗一下英國的生活，所以我們有三晚會住倫敦，之後就上NOTTINGHAM在杜宅屋企住兩晚。

3月中就開始訂機票、酒店和穿梭城市之間的長途火車，又預訂好了熱門景點的門票，今次仲特別做了一本BOOKLET俾逸逸，等佢出發之前了解一下我地會去的景點，提升興趣。

仲設計了到達後的任務，令旅程變得更加有趣。

每日出發之前逸逸真係會問下我今日有乜嘢任務架﹗