恆仔已經講咗好多年話想學UKULELE，直至2024年3月逸逸評估二之後終於行動，在聖堂附近的琴行報了名，買了兩個琴，以1對3形式一家三口一齊學琴。
2024年3月15日上咗第一堂，老師是一個有普通話口音的年輕人，第一堂主要是介紹一下UKULELE的構造、與結他的分別、音域以及幾種彈奏方式；又了解一下我們的能力、喜好以及期望，也教我們彈了幾個CHORDS，知道我們喜歡五月天，目標也只是彈到一首歌，最後揀咗《突然好想你》為我們的學習歌曲。
其實我們三個的能力差距也很大，我有鋼琴的底子，基本上老師講完琴譜點睇之後我就有能力自己摸索，當然音色就另計；恆仔是一個沒有學過樂器的一般人，他需要老師較多的指點；逸逸基本上聽唔明老師講乜，老師也看起來不太懂跟小朋友溝通，所以我是翻譯，逸逸的UKULELE其實是我教的。
學習進度唔算太好，我們學了大約三個月就趁逸逸評估三要溫習就沒有再學了，不過恆仔總算了咗個心願，逸逸都叫做成功彈到一段副歌，我就學識咗睇譜可以自學，都唔係一無所獲得個桔嘅！
幫小朋友溫習串字是媽媽其中一個重要的工作，編故事是一個頗有效的方法，不過亦好考媽媽的急才，故事通常都係一邊講一邊諗。
逸逸最近要求助的是「quarrel」。
由於已有一定英文根基，所以首先係講QU係朋友，大家輪流舉例，例如QUeen、QUiz、QUiet⋯⋯
Q同U要爭第一攞A，你R我一下，我R你一下，最後一個入E院，一個要係Library罰企。
得咗！
由學做黃色小花開始，11月4日(星期日)已經可以自己解開第二行。 閱讀全文
我的逸逸寶貝8歲了﹗今年在9月28日舉行她的8歲生日會。
今年她想要一個有波波池的生日會，本來訂了屯門的一家PARTY ROOM，點知在PARTY前一天的下午，突然收到PARTY ROOM店主來電表示職員安排BOOKING出錯變咗DOOUBLE BOOKING，因為我是遲BOOK的一個，所以被迫要取消。我也感受到店主的無奈，因為她很有誠意的賠了一倍訂金給我，我只好立即上網再去搵其他的PARTY ROOM。
星期六的晚上各個PARTY ROOM也好FULL，搵到出去荃灣，最後好好彩搵到各樣都好滿意的HAPPY DAYS PARTY ROOM，也立即通知我地訂開到會的KAMA DELI更改送貨地址，令生日會得以順利舉行。
8歲的逸逸今年唔選擇花巧的卡通蛋糕，而係按口味選了她喜歡的士多啤梨蛋糕。生日牌是在日本旅行時買的，好辛苦先搵返出嚟﹗ 閱讀全文